慈悲愛疼大人君，願你照顧我靈魂，

大浪入山蓋落來，大風猖狂如吼獅，

除死以外攏無路，這身願你肯照顧，

導我平安導天城，讚美上帝大尊名。

除去主耶穌以外，我無逃閃城可倚，

無人可靠可親近，軟弱厭倦我靈魂，

今將萬事交托你，願你歡喜來指示，

使我宿在你翼下，照顧引導攏無替，

我的身體滿滿是，驚人污穢在交纏，

你的恩惠不止深，又有至誠真實心，

流你寶血洗我白，使我內外親像雪，

願你安慰我靈魂，雖使軟弱免憂悶。

阿們