1 願主伸你聖手，牽我為我保護，

   雖然遇著引誘，我願行主的路，

   敢採再黑暗暝，抑是山嵌深淵，

   主若是你旨意，我行無欲延緩。

2 我無倚靠氣力，亦無用我智慧，

   無掠自己知識，來揀欲去的位，

   只有得主引導，可行妥當路途，

   主你歡喜牽我，允當攏無錯誤。

3 救主共我安排，我所當飲的杯，

   若是主你所愛，決斷無欲辭退，

   無論心肝歡喜，抑是悲傷失志，

   主你當斟滿它，我願伸手來接。

4 雖有窘迫凌辱，且有死失陷害，

   我若受主替贖，心就安然自在，

   願世界眾罪惡，攏滅於主面前，

   可成做上帝國，親像美妙天庭。阿們。