台灣的文化-思君篇 (請用台語唸)

海台會 資深會員 周吉男先生於2024年11月28日凌晨一點半，平順圓滿，享年87歲。 謹以 周先生生前其中一篇"七字仔"四句聯原稿 弔念。

台灣的文化-思君篇 (請用台語唸，歡迎影印) 周吉男

阮編這齣妹思兄，句讀好醜給阮評，古早十二更鼓情，重新寫出娘心聲。

一更更鼓月照山，牽君的手摸心肝，阿君問娘欲按怎，隨意我君汝心歡。

二更更鼓月照埕，牽君的手入大廳，双人恩愛天註定，別人的話毋通聽。

三更更鼓月照門，牽君的手入綉床，双人意愛有所向，較好蜂蜜攪糖霜。

四更更鼓月照窓，第一相好咱兩人，合君愛情有所望，君仔梟娘先毋通。

五更更鼓天欲光，恁兜序大叫食飯，想欲開門予君返，手按門屏心頭酸。

六更更鼓天已開，阿娘煩惱君毋知，君子返去恁所在，毋知我君何時來。

七更更鼓天尚光，阿娘送君後花園，舉頭一看君去遠，害阮煩惱心頭悶。

八更更鼓天欲晝，阿娘想欲去君兜，路頭遙遠行難到，瞑目煩惱在心頭。

九更更鼓天落雷，阿君即久無做堆，大聲叫門狗咧吠，細聲給應門緊開。

十更更鼓入君厝，明明阿娘食著符，別人看無阮看有，爲君來死即工夫。

十一更鼓欲返來，阿娘煩惱無人知，手舉燈火入房內，按怎與君分東西。

十二更鼓倒落蓆，阿娘分開按怎著，日來哀怨驚人笑，暝流目屎澹過蓆。

塗胶透風起土粉，天頂落雨罩烏雲，娘仔爲君心頭悶，糜飯毋食湆未吞。

合君約會後壁溝，絲帶扑結做號頭，毋知誰人給阮解，破壞姻緣是無賢。

大隻水牛細條索，細漢娘仔手牽哥，是汝有好毋識寶，細粒甘轆較賢翱。

一想情郎日落西，放阮孤單夜悲淒，一對鴛鴦失相伴，何日成雙共夫妻。

二想情郎心怨嘆，別時容易見時難，兩岸相隔山海邊，爲郎相思望月看。

三想情郎黃昏時，只見鳥隻樹上棲，雄雌兩隻結双對，娘今與哥兩分離。

四想情郎夜燒香，為郎相思淚眼傷，合掌來拜天與地，願與情郎永久長。

五想情郎月出來，千山萬水音難通，有話寄託風送去，吹入情郎兩耳中。

六想情郎夜半天，枕邊相思淚漣漣，三魂七魄歸何處，倚到吾君左右邊。

七想情郎月正中，深情難捨信難通，思想情郎義氣重，牡丹金菊對芙蓉。

八想情郎月轉西，無情痛恨五更鷄，夢中正好談心事，驚覺窗前又亂啼。

九想情郎天已光，山河相隔千里遠，人居兩地難見面，身似火煎割心腸。

十想情郎搬過江，思君難見眼朦朧，情郎毋知娘心事，何時何日能相通。台灣的文化-思君篇 (請用台語唸，歡迎影印) 周吉男

阮編這齣妹思兄，句讀好醜給阮評，古早十二更鼓情，重新寫出娘心聲。

一更更鼓月照山，牽君的手摸心肝，阿君問娘欲按怎，隨意我君汝心歡。

二更更鼓月照埕，牽君的手入大廳，双人恩愛天註定，別人的話毋通聽。

三更更鼓月照門，牽君的手入綉床，双人意愛有所向，較好蜂蜜攪糖霜。

四更更鼓月照窓，第一相好咱兩人，合君愛情有所望，君仔梟娘先毋通。

五更更鼓天欲光，恁兜序大叫食飯，想欲開門予君返，手按門屏心頭酸。

六更更鼓天已開，阿娘煩惱君毋知，君子返去恁所在，毋知我君何時來。

七更更鼓天尚光，阿娘送君後花園，舉頭一看君去遠，害阮煩惱心頭悶。

八更更鼓天欲晝，阿娘想欲去君兜，路頭遙遠行難到，瞑目煩惱在心頭。

九更更鼓天落雷，阿君即久無做堆，大聲叫門狗咧吠，細聲給應門緊開。

十更更鼓入君厝，明明阿娘食著符，別人看無阮看有，爲君來死即工夫。

十一更鼓欲返來，阿娘煩惱無人知，手舉燈火入房內，按怎與君分東西。

十二更鼓倒落蓆，阿娘分開按怎著，日來哀怨驚人笑，暝流目屎澹過蓆。

塗胶透風起土粉，天頂落雨罩烏雲，娘仔爲君心頭悶，糜飯毋食湆未吞。

合君約會後壁溝，絲帶扑結做號頭，毋知誰人給阮解，破壞姻緣是無賢。

大隻水牛細條索，細漢娘仔手牽哥，是汝有好毋識寶，細粒甘轆較賢翱。

一想情郎日落西，放阮孤單夜悲淒，一對鴛鴦失相伴，何日成雙共夫妻。

二想情郎心怨嘆，別時容易見時難，兩岸相隔山海邊，爲郎相思望月看。

三想情郎黃昏時，只見鳥隻樹上棲，雄雌兩隻結双對，娘今與哥兩分離。

四想情郎夜燒香，為郎相思淚眼傷，合掌來拜天與地，願與情郎永久長。

五想情郎月出來，千山萬水音難通，有話寄託風送去，吹入情郎兩耳中。

六想情郎夜半天，枕邊相思淚漣漣，三魂七魄歸何處，倚到吾君左右邊。

七想情郎月正中，深情難捨信難通，思想情郎義氣重，牡丹金菊對芙蓉。

八想情郎月轉西，無情痛恨五更鷄，夢中正好談心事，驚覺窗前又亂啼。

九想情郎天已光，山河相隔千里遠，人居兩地難見面，身似火煎割心腸。

十想情郎搬過江，思君難見眼朦朧，情郎毋知娘心事，何時何日能相通。